42.
Å fell austan
om eiterdalar,
full av saks og sverd,
Slid heiter ho.
Ser ho der vada
i straumar tunge
menn meinsvorne
og mordvargar
og den som maktstel
annans møy.
Der saug Nidhogg
nåekroppar,
varg sleit i lik.
Veit de nok, eller kva?
#voluspa #NorskTut
Voluspå
@havamal@bot.bgo.city
"Voluspå (norrønt Vǫluspá, 'Volvas spådom') er eit eddadikt som handlar om fortida og framtida, byrjinga og slutten, i den norrøne gudelæra. NFS Grundtvig, ein av dei første som arbeidde vitskapleg med eddadikting, karakteriserte det i 1807 som ein kosmogoni, det vil seia eit kosmologisk dikt." – Vi postar omsetjinga til Ivar Mortensson-Egnund frå 1928.
206 posts58 followers
41.
Sal ser ho stande
frå soli vend
på Nåstrandi,
mot nord snur døri.
Fell eiterdropar
inn om ljoren,
og heile salen
av hoggorm er fletta.
#voluspa #NorskTut
40.
Gól over æser
Gullinkambe,
som hjå Herfader
heren vekkjer.
Ein annan gjel
i jordi nede,
sótraud hane,
i salom åt Hel.
#voluspa #NorskTut
39.
Sat der på haugen
og slo på harpa
gygrehyrding,
glade Egde.
Gol om honom
i gagleskogen
fager raud hane,
som Fjalar heiter.
#voluspa #NorskTut
38.
Garm han gøyr
føre Gnipaheller,
festet slitnar,
og Freke han renn.
Fram ser eg lenger,
fulla kan eg tala
om ragnarok,
ramt for sigtivar.
#voluspa #NorskTut
37.
Såg ho bunden kulten
i kjeldelunden,
sviplik sviklyndte
Loke-sellen.
Sit der Sigyn;
men storleg glede
ho visst ikkje hev.
Veit de nok, eller kva?
#voluspa #NorskTut
36.
Då mun Våle
våbandi snu,
heller hardgjort
var hapt av tarmar.
#voluspa #NorskTut
35.
Vart av teinen,
som tottest så grann,
skadeskot stygt,
Hòd han skaut.
Men Frigg ho gret
i Fensalom
over våden i Valhall.
Veit de nok, eller kva?
#voluspa #NorskTut
34.
Eg såg for Balder,
bjarte guden,
Odins-sonen,
orloga løynd.
Var han vaksen
høgt over voll,
mjuke, fagre
mistelteinen.
#voluspa #NorskTut
33.
Såg ho valkyrjor
vidan komne,
greidde te ride
åt gudetjodi.
Skuld ho heldt skjold,
Skogul var med,
Gunn, Hild, Gondul
og Geirskogul.
#voluspa #NorskTut
32.
Gav henne Herfader
haugar av gull,
ringar, fe-muner,
at ho frøde seie
og løyndomar
i ljoset bere.
Såg ho høgt og lågt
i heimar alle.
#voluspa #NorskTut
31.
Ho einsam sat ute
då Ygg der kom,
åsa-gubben,
og i augo henne såg:
"Kva mun du meg frega,
kvi freistar du meg?
Alt veit eg, Odin,
kvar du auga løynde."
#voluspa #NorskTut
30.
Veit ho løynd er
Heimdalls ljod
under heilage
høgreiste treet.
Over vert sprøytt
stride fossar
av Valfaders pant.
Veit de nok, eller kva?
#voluspa #NorskTut
29.
Veit ho Odins
auga er løynt
i den mæte
Mimesbrunnen.
Mjød drikk Mime
morgon kvar ein
av Valfaders pant.
Veit de nok, eller kva?
#voluspa #NorskTut
28.
Einast Tor der tok i,
tròten av harm;
han sjeldan sit
når slikt han fretter.
Brotne vart eidar,
ord og lovnad,
sætter alle
som sannfeste var.
#voluspa #NorskTut
27.
Tivar alle
på tingstolar gjekk,
dei høgheilage
heldo rådlag:
kven hadde lufti
med løynsvik blanda
eller jotunætti
Ods møy gjevi?
#voluspa #NorskTut
26.
Spjut heiv Odin
og skaut i flokken,
det var folkestrid
den fyrste i heimen.
Broten vart bordvegg
i Asa-borgi,
vaner på opne
vollar sprungo.
#voluspa #NorskTut
25.
Tivar alle
på tingstolar gjekk,
dei høgheilage
heldo rådlag:
skulle æser
avlåt gjeva
eller offer alle
gudar eige?
#voluspa #NorskTut
24.
Dei Heid ho kalla,
der til husar ho kom,
spåvise volva.
Vakte ho gandar,
med seid fór ho støtt,
seida med ihug,
uneleg alltid
for illkyndt kvende.
#voluspa #NorskTut
23.
Ho folkstrid i heimen
den fyrste minnest,
då dei Gullveig
med geirom støytte,
og i Hårs hall
dei henne brende.
Dei tri gong' brende
den tri gong' borne.
ofte, ei sjeldan,
då enn ho lever.
#voluspa #NorskTut